កញ្ញា​ Kate Cat ដែលជាតារាសម្តែង បង្ហាញម៉ូត​ និងជាពិធីករមួយរូប​ ពិតជាមានរូបរាង​ សម្រស់​ស្រស់​ស្អាត​ពីធម្មជាតិ​ ឆ្លាត និងមានសមត្ថភាពជាអ្នកសិល្ប:មួយរូប ដែលបច្ចុប្បន្នកំពុងតែអង្រួនចិត្តអ្មកគាំទ្រយ៉ាងពេញទំហឹង។ ចំណុចពិសេសដែលធ្វើឲ្យគេចាប់អារម្មណ៍នោះ គឺរាល់សកម្មភាពសំដែងរបស់នាង ពិតជាមានភាពរស់រវើក ធ្វើឲ្យមានការទាក់ទាញពីក្រសែភ្នែកទស្សនិកជនយ៉ាងខ្លាំង រហូតធ្វើឲ្យអ្នកគាំទ្រពេញចិត្តលាន់មាត់សរសើរ នូវសមត្ថភាពសិល្បៈពិសេសរបស់នាងមិនចេះរីងស្ងួត។


ហើយថ្មីៗនេះ ដោយសារតែការសម្តែងដ៏ទាក់ទាញរបស់កញ្ញា កំពុងតែឡើងកូដផងនោះ ក៏មានការកោតសសេីរមិនដាច់ពីមាត់​ ពីសំណាក់អ្នកគ្រប់គ្រងក្រុមហ៊ុន​ Rouy Infinity Co.,ltd លោក​ David Rathiya ផងដែរ ដោយលោកបានសរសេរក្នុង Status Facebook របស់លោកថា៖ កញ្ញា​ Kate Cate ជួបនៅខាងក្រៅ​ កញ្ញា​ Kate Cat ពិតជាមានរូបរាង​សម្រស់​ស្រស់​ស្អាត​ពីធម្មជាតិ​ ឆ្លាតនិងមានសមត្ថភាពពិតប្រាកដ អរគុណ​យ៉ាងខ្លាំងសំរាប់ការ​ជួយបង្រៀនក្រុម​ដេីរ Model ក្រុមហ៊ុន​ Rouy Infinity របស់លោកអោយក្លាយជាអ្នកដេីរម៉ូតអាជីពបាន។

សូមបញ្ជាក់ថា កញ្ញា​ Kate Cat ជាតារាម៉ូឌែល និងពិធីករមួយរូប ដែលប្រវត្តិតស៊ូរបស់នាងក្នុងវិស័យសិល្បៈ ក៏មិនធម្មតាដែរ រហូតមកដល់ពេលនេះនាងត្រូវឆ្លងកាត់ឧបសគ្គ និងជីវិតតស៊ូជាច្រើន ទម្រាំទទួលបានជោគជ័យ និងមានការគាំទ្រពីមហាជនជាបន្តបន្ទាប់៕