ខេត្តកំពង់ចាម ៖ នៅថ្ងៃទី១៤ ខែកុម្ភៈ ឆ្នាំ២០២១ វេលាម៉ោង១៤ និង០០នាទី ដោយបានការអនុញ្ញាតពីលោក សុធា ពិសិដ្ឋ ព្រះរាជអាជ្ញារងអមសាលាដំបូងខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្ត ជាមួយជំនាញអធិការដ្ឋាននគរបាលស្រុកកំពង់សៀម ប៉ុស្តិ៍នគរបាលរដ្ឋបាលអំពិល និងប៉ុស្ត៍នគរបាលក្រឡា ដឹកនាំដោយលោកឧត្ដមសេនីយ៍ត្រី ជីវ សេងរស់ ស្នងការរងទទួលផែនការងារប្រឆាំងគ្រឿងញៀន បានបេីកកិច្ចប្រតិបត្តិការចុះបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ០១ករណី ឃាត់ខ្លួនជនសង្ស័យចំនួន ០៩នាក់ ស្ថិតនៅត្រង់ចំណុចរោងចិញ្ចឹមមាន់ ស្ថិតក្នុងភូមិទួលពពេល ឃុំក្រឡា ស្រុកកំពង់សៀម ខេត្តកំពង់ចាម ។
មន្រ្តីនគរបាលស្រុកកំពង់សៀម បានឲ្យដឹងថា ៖ ជនសង្ស័យចំនួន ០៩នាក់ ១-ឈ្មោះ សេរី លក្ខស្មី ភេទប្រុស អាយុ២៥ឆ្នាំ ជនជាតិខ្មែរ មានទីលំនៅភូមិទួលពពេល ឃុំក្រឡា ស្រុកកំពង់សៀម ខេត្តកំពង់ចាម ។ ២-ឈ្មោះ ផល ម៉ារ៉ាឌី ភេទប្រុស អាយុ២៤ឆ្នាំ ជនជាតិខ្មែរ មានទីលំនៅភូមិអណ្តូងច្រុះ ឃុំអំពិល ស្រុកកំពង់សៀម ខេត្តកំពង់ចាម ។ ៣-ឈ្មោះ អ៊ាត ចន្ទី ភេទប្រុស អាយុ៥២ឆ្នាំ ជនជាតិខ្មែរ ភូមិអណ្តូងច្រុះ ឃុំអំពិល ស្រុកកំពង់សៀម ខេត្តកំពង់ចាម ។ ៤-ឈ្មោះ ឈន តុលា ភេទប្រុស អាយុ២៥ឆ្នាំ ជនជាតិខ្មែរ ភូមិស្លាក្ដោង ឃុំជប់ ស្រុកត្បូងឃ្មុំ ខេត្តត្បូងឃ្មុំ ។ ៥-ឈ្មោះ ផា សុខមាន ភេទប្រុស អាយុ៣១ឆ្នាំ ជនជាតិខ្មែរ ភូមិអំពិលលេី ឃុំអំពិល ស្រុកកំពង់សៀម ខេត្តកំពង់ចាម ។ ៦-ឈ្មោះ យ៉ែម សារ៉ាត ភេទប្រុស អាយុ៣៦ឆ្នាំ ភូមិអំពិល ឃុំអំពិល ស្រុកកំពង់សៀម ខេត្តកំពង់ចាម ។ ៧-ឈ្មោះ ឆុំ អ៊ីនសក្ត័ណា ភេទប្រុស អាយុ២៦ ជនជាតិខ្មែរ ភូមិខែលជ័យ ឃុំអូរស្វាយ ស្រុកកំពង់សៀម ខេត្តកំពង់ចាម ។ ៨-ឈ្មោះ ម៉េង មិនា ភេទប្រុស អាយុ២៣ ជនជាតិខ្មែរ ភូមិអំពិលលេី ឃុំអំពិល ស្រុកកំពង់សៀម ខេត្តកំពង់ចាម ។ ៩-ឈ្មោះ នឿន សម្បត្តិ ភេទប្រុស អាយុ២៦ឆ្នាំ ជនជាតិខ្មែរ មានទីលំនៅភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម ។
ចំណែកឯវត្ថុតាងដកហូតរួមមាន ៖ ម្សៅក្រាមពណ៌សសង្ស័យជាថ្នាំញៀនចំនួន ០២កញ្ចប់, ទូរស័ព្ទដៃចំនួន ០៧គ្រឿង និងសម្ភារៈវេចខ្ចប់មួយចំនួនធំ ។
បច្ចុប្បន្នជនសង្ស័យ និងវត្ថុតាងត្រូវបានសម្ថកិច្ចបញ្ជូនមកការិយាល័យប្រឆាំងគ្រឿងញៀន ដើម្បីចងក្រងសំណុំរឿងតាមនីតិវិធីច្បាប់ ៕
