កំពង់ធំ​ ៖​ នា​ព្រឹក​ថ្ងៃ​ទី​១៥​ ខែកុម្ភៈ​ ឆ្នាំ​២០២១​ លោក​ឧត្តមសេនីយ៍ទោ​ ម៉ែ​ន​ លី​ ស្នងការ​នគរបាល​ខេត្តកំពង់ធំ​ បាន​ដឹកនាំ​កងកម្លាំង​នគរបាល​គោរព​ទង់ជាតិ​ នៃ​ព្រះរាជាណាចក្រ​កម្ពុជា​ នៅ​ស្នងការដ្ឋាន​នគរបាល​ខេត្តកំពង់ធំ​ ។​

​ដោយ​មានការ​អញ្ជើញ​ចូលរួម​ លោក​ លោកស្រី​​នាយ​ នាយ​រង​ការិយាល័យ​ និង​មន្ត្រី​ន​នគរបាល​​ចំណុះ​អោយ​ការិយាល័យ​ជំនាញ​ចូលរួម​​ប្រមាណ​ ៣៤១​នាក់​ ។​​

​បន្ទាប់​ពី​ពិធី​គោរព​ទង់ជាតិ​ នៃ​ព្រះរាជាណាចក្រ​កម្ពុជា​ លោក​ឧត្តមសេនីយ៍ទោ​ ម៉ែ​ន​ លី​ ស្នងការ​នគរបាល​ខេត្ត​បាន​ថ្លែង​ការ​កោតសរសើរ​ ដល់​បងប្អូន​កងកម្លាំង​គ្រប់​លំដាប់ថ្នាក់​ ក៍​ដូច​ជា​បងប្អូន​កង​អន្តរាគមន៍​ ពិសេស​ នៃ​ស្នងការដ្ឋាន​នគរបាល​ខេត្តកំពង់ធំ​ ដែល​កងកម្លាំង​បាន​យកចិត្តទុកដាក់​ចូលរួម​បំពេញភារកិច្ច​ ប្រកបដោយ​ស្មារតី​ ឆន្ទ​:​ ស្មោះត្រង់​ ធ្វើ​ឲ្យ​សភាពការណ៍​ សន្តិសុខ​ សណ្តាប់ធ្នាប់​សង្គម​ ក្នុង​មូលដ្ឋាន​ទូ​ទាំង​ខេត្តកំពង់ធំ​​នា​រយៈពេល​កន្លង​ទៅ​នេះ​ មាន​លក្ខណៈ​ស្ងប់ស្ងាត់​ល្អ​ប្រសើរ​ ពុំ​មាន​ហេតុការណ៍​ អ្វីមួយ​កើតឡើង​ គួរ​ឲ្យ​កត់សម្គាល់​ឡើយ​ ។​

​ហើយ​លោក​ឧត្តមសេនីយ៍ទោ​ស្នងការ​ បាន​គូសបញ្ជាក់​ថា​ នៅ​ថ្ងៃ​ទី​១៨​ ខែ​ កុម្ភៈ​ ឆ្នាំ​២០២១​ អង្គភាព​យើង​ បាន​ប្រារព្ធ​ពិធី​ប្រកាស​ ផ្ទេរ​ភារកិច្ច​ តែងតាំង​មុខ​តំណែង​ និង​បំពាក់​ឋានន្តរស័ក្តិ​ជូន​មន្ត្រី​នគរបាល​ជាតិ​ នៃ​ស្នងការដ្ឋាន​នគរបាល​ខេត្តកំពង់ធំ​ ដែល​មាន​ស្នាដៃ​ ចំពោះ​ជាតិ​មាតុភូមិ​ ។​

​ឆ្លៀត​ក្នុង​ឱកាស​នេះ​ លោកស្នងការ​ បាន​ថ្លែង​ក្រើនរំលឹក​ ដល់​ថ្នាក់ដឹកនាំ​គ្រប់​លំដាប់ថ្នាក់​ សូម​បន្ត​យកចិត្តទុកដាក់​ចំពោះ​ការងារ​គ្រប់គ្រង​កម្លាំង​សម្រាប់​ការ​អនុវត្ត​ តួនាទី​ ភារកិច្ច​ ជា​ប្រចាំ​ថ្ងៃ​ ដើម្បី​សម្រេច​បាន​ភាព​ជោគជ័យ​​គ្រប់​ភារៈកិច្ច​ ដែល​ថ្នាក់ដឹកនាំ​ ប្រគល់​ជូន​ ៕