ភ្នំពេញ៖ នៅថ្ងៃទី ២១ ខែ ឧសភា ឆ្នាំ ២០២១ ដោយមានការចង្អុលបង្ហាញពីលោកស្រីប្រធានសមាគម និងមានការដឹកនាំផ្ទាល់ពី ឯកឧត្តម នួន ប្រុសនិត អនុប្រធាន សមាគម កម្មករ សន្តិភាព នឹង ក្រុមការងារ ចូលរួមប្រជុំពិភាក្សាជាមួយនឹងលោក នាយកក្រុមហ៊ុន ជា សំរឹទ្ធ អ៊ីមផត អិចផត ដែលមានទីតាំងស្ថិតនៅ បុរីប៉េងហួត សង្កាត់ព្រែកលាប ខណ្ឌជ្រោយចង្វា រាជធានីភ្នំពេញ ។
ពិធីសំណេះសំណាល់នេះ ពិភាក្សាគ្នា ដើម្បីបង្កើនភាពទំនាក់ទំនងសហការគ្នាល្អ និងផ្ដល់យោបល់គ្នាទៅវិញទៅមកនៅក្នុងគោលបំណង បើកវគ្គ ចិញ្ចឹមត្រី តាមលក្ខណៈបច្ចេកទេស ទំនើប និងបានសិក្សាអំពីចំណីសត្វគ្រប់ប្រភេទ ដើម្បីជូនដល់ប្រជាពលរដ្ឋ ដែលចិញ្ចឹមត្រី ។
បន្ទាប់ពីពិភាក្សាគ្នាចប់ឃើញថាទទួលបានលទ្ធផលល្អច្រើន និងបានចុះទៅទស្សនៈកិច្ច ដល់ទីតាំងចិញ្ចឹមត្រីផ្ទាំល់របស់បងប្អូនប្រជាពលរដ្ឋ ដែលស្ថិតនៅភូមិក្រោម ឃុំព្រែកអញ្ចាញ ស្រុកមុខកំពូលខេត្តកណ្ដាល ដែលបានប្រើប្រាស់ចំណីត្រីរបស់ក្រុមហ៊ុន ជា សំរិទ្ធ អ៊ីមផត អិចផត ដែលជាក្រុមហ៊ុន នាំចូលចំណីសត្វ ដែលមានគុណភាពល្អ មកពីប្រទេសថៃ៕
