រថយន្ត ៤០ គ្រឿងត្រូវបានអាជ្ញាធរស្ទូចដាក់ឡានដោយសារតែ…

284

(ភ្នំពេញ)៖ កាលពីម្សិលមិញរថយន្ត​ចំនួន៤០គ្រឿង​ដែល​បាន​ចត​ចោល​នៅលើ​ចិញ្ចើម​ផ្លូវនិង​ទ្រូងផ្លូវ​សាធារ​ណៈ​ធ្វើឱ្យ​បាត់​បង់​សណ្តាប់​ធ្នាប់ របៀប​រៀប​រយ​សាធា​រណ: បង្ក​ការកកស្ទះ​ចរាចរណ៍ និង​សោ​ភណ​ភាព​រាជធានី​ភ្នំពេញ ត្រូវបាន​ស្ទូច​យកមក​រក្សាទុ​ក​នៅ​រដ្ឋ​បាល​ខណ្ឌ​ដូន​ពេញ ខណៈ​ការ​អនុវត្ត​សេចក្ដី​ជូនដំណឹង​អំពី​បម្រាម​កំពុង​បន្ត​តឹង​រ៉ឹង​។

បើលោក សុខ ពេញ​វុ​ធ អភិបាល​ខណ្ឌ​ដូនពេញ​បានឱ្យ​ដឹង​​ថ្ងៃទី ១៣ ខែមិថុនា​ថា ការចុះ​ស្ទូច និង​ដក​ហូត​រថ​យន្ត​យក​មក​រក្សាទុក​នេះ បន្ទាប់​ពី​រដ្ឋបាល​ខណ្ឌ​បាន​ចេញ​សេចក្តីជូនដំណឹង​កាលពី​ថ្ងៃទី៨ មិថុនា កន្លង​មក​នេះ ឱ្យ​បញ្ឈប់​ការ​ដាក់​តាំង​លក់​រថយន្ត និង​ចត​រថយន្ត​បែប​នេះ ព្រោះ​ធ្វើឱ្យប៉ះ​ពាល់​ដល់​សណ្តាប់​ធ្នាប់ និង​របៀប​រៀបរយ​សា​ធារណៈ ​និង​កកស្ទះ​ចរា​ចរណ៍​លើ​ដង​ផ្លូវ​។

លោក សុខ ពេញ​វុ​ធ បាន​បន្តថា ការចុះ​រៀបចំ​សណ្តាប់​ធ្នាប់ របៀប​រៀប​រយ សាធារណៈ​លើ​រថយន្ត​ដាក់​លក់ និង​រថយន្ត​ដែល​បាន​មក​ចត​ចោល​នៅ​លើ​ទ្រូង​ផ្លូវ​និង​ចិញ្ចើម​ផ្លូវ​សា​ធារណៈ​ដែល​ធ្វើឱ្យ​បាត់​បង់​សណ្តាប់​ធ្នាប់​របៀប​រៀប​រយ​សា​ធារ​ណ:បង្ក​ការកក​ស្ទះ​ចរាចរណ៍ និង​សោ​ភណ​ភាព​រាជ​ធានី​ភ្នំពេញ​នេះ គឺ​សមត្ថ​កិច្ច​បាន​ស្ទូច និង​ដកហូត​រថយន្ត​ចំនួន ៤០​គ្រឿង​។

សូមបញ្ជាក់ថាកាលពីព្រឹក​ថ្ងៃ​ទៅ​ទី ១៣ ម្សិលមិញនេះមាន​ការធ្វើ​កិច្ច​សន្យា​ហាម​ចត និង​អប់រំ​ណែនាំ​ដល់ម្ចាស់ឡាន បាន​ចំនួន ៨គ្រឿង ដែល​ពួក​គាត់ គឺជា​ប្រជា​ពលរដ្ឋ​ទូទៅ។ ដោយ​ឡែក​ចំពោះ​រថយន្ត​ដាក់តាំង​លក់ គឺ​យើង​អនុវត្ត​វិធាន​ការ​រដ្ឋបាល​រាង​តឹង​បន្តិច ដោយ​ត្រូវ​រក្សាទុក៣ ទៅ៥ ថ្ងៃ បាន​ប្រគល់​ជូន​ម្ចាស់​វិញ ដោយ​គ្រាន់​តែ​ធ្វើ​កិច្ច​សន្យា»​ នេះបើតាមការលើកឡើងរបស់ លោក សុខ ពេញវុញ អភិបាលខណ្ឌដូនពេញបានប្រាប់អ្នកកាសែតកាលពីម្សិលមិញនេះ។

លោក សុខ ពេញ​វុ​ធ