ភ្នំពេញ៖បុរសដែលគេដឹងថាជាមន្រ្តីយោធាម្នាក់សង្ស័យស្រវឹងបើករថយន្តក្នុងល្បឿនលឿនដូចហោះបួងចង្កូតមិនទាន់ជ្រុលទៅបុកជាមួយនឹងរង្វង់មូលនាងមច្ឆាកំហឹងបណ្ដាលឲ្យរថយន្តក្រឡាប់ផ្កាប់ផ្ងារយកជើងទ្រមេឃ តែសំណាងល្អមិនមាននរណាម្នាក់រងការគ្រោះថ្នាក់នៅក្នុងហេតុការណ៍នេះទេ
ហេតុការណ៍នេះបានកើតឡើងកាលពីយប់ ថ្ងៃទី០៧ ខែកក្កដា ឆ្នាំ២០២១ តាមបណ្ដោយផ្លូវរបស់ក្រុមហ៊ុនOCIC ត្រង់ចំណុចនិងរង្វង់មូលនាងមច្ឆា ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
យោងតាមប្រភពព័ត៌មានដែលយើងទទួលបានពីទីតាំងកន្លែងកើតហេតុបានឲ្យដឹងថា នៅមុនពេលហេតុការណ៍គ្រោះថ្នាក់ចរាចរណ៍នេះបានកើតឡើងគេបានឃើញបុរសជាមន្ត្រីយោធាម្នាក់បើករថយន្តម៉ាកTOYOTA-RAV4 ពណ៍សមួយគ្រឿងពាក់ស្លាកលេខភ្នំពេញ2AV-5803 បើកបរក្នុងទិសដៅពីជើងទៅត្បូងតាមបណ្ដោយផ្លូវរបស់ក្រុមហ៊ុនOCIC ក្នុងល្បឿនលឿនដូចហោះខណៈពេលមកដល់ចំណុចនិងរង្វង់មូលនាងមច្ឆាក៏បានជាន់ហ្វ្រាំងនិងចង្កូតមិនទាន់បណ្ដាលឲ្យជ្រុលទៅបុកជាមួយនឹងខឿងរង្វង់មូលនាងមច្ឆាពេញទំហឹងបណ្ដាលឲ្យរថយន្តក្រឡាប់ផ្កាប់ផ្ងារយកជើងទ្រមេឃរងការខូចខាតអស់ស្ទើតែទាំងស្រុង តែសំណាងល្អមិនបណ្ដាលឱ្យមាននរណាម្នាក់ការគ្រោះថ្នាក់នៅក្នុងហេតុការណ៍នេះទេ ។
ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ទីតាំងនោះភ្លាមដើម្បីត្រួតពិនិត្យមើលឃើញថាមានការប៉ះពាល់ទៅដល់សម្បត្តិសាធារណៈសតប់សមត្ថកិច្ចយករថយន្តបង្កទៅរក្សាទុកនៅអធិការរដ្ឋាននគរបាលខណ្ឌជ្រោយចង្វារងចាំធ្វើការដោះស្រាយគ្នានៅពេលក្រោយ
រាយការណ៍ដោយ=P.23
