ភ្នំពេញ÷រថយន្តធុនធំមួយគ្រឿងបើកបរក្នុងល្បឿលឿនជុ្រលទៅបុកម៉ូតូបណ្ដាលឲ្យដួលហើយកិនចំពីលើជនរងគ្រោះស្លាប់បាត់បង់ជីវិតភ្លាមៗនៅក្នុងថ្លុកឈាម រួចរថយន្តបង្កបន្តបើករត់ទៅមុខជាច្រើនរាប់រយម៉ែត្រទើបសមត្ថកិច្ចដេញឃាត់បានយកមកវិញតែម្ដង ហេតុការគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៧នឹង៤៥នាទីយប់ ថ្ងៃទី១១ ខែកក្កដា ឆ្នាំ២០២១ ស្ថិតតាមបណ្ដោយផ្លូវព្រៃស ក្នុងសង្កាត់ព្រៃវែង ខណ្ឌដង្កោរ រាជធានីភ្នំពេញ ។
សពជនរងគ្រោះ ឈ្មោះ យិន ធាវី ភេទប្រុស អាយុ៣៥ មុខរបរធ្វើជាកម្មកររោងចក្រ មានស្រុកកំណើតនៅភូមិបង់គៀនសរ ស្រុកអូរាំងឪ ខេត្តត្បូងឃ្មុំ បច្ចុប្បន្ន ស្នាក់នៅបន្ទប់ជួលម្ដុំសួនការណាឌីយ៉ា ក្នុងសង្កាត់ចោមចៅទី០១ ខណ្ឌពោធិ៍សែនជ័យ រាជធានីភ្នំពេញ យោងតាមប្រភពព័ត៌មានដែលយើងទទួលបានពីប្រជាពលរដ្ឋបានឲ្យដឹងថា នៅមុនពេលហេតុការគ្រោះថ្នាក់ចរាចរណ៍នេះបានកើតឡើង គេបានឃើញជនរងគ្រោះជិះម៉ូតូ ឌ្រីមសង់ ១២៥ពណ៌ខ្មៅមួយគ្រឿងពាក់ស្លាកលេខតាកែវ1N-1339 ជិះម្នាក់ឯងធ្វើដំណើរតាមបណ្ដោយផ្លូវព្រៃសរ ក្នុងទិសដៅពីលិចទៅកើតមានល្បឿនលឿន ខណៈពេលមកដល់ត្រង់ចំណុចកើតហេតុខាងលើ ក៏ស្រាប់តែមានបុរសម្នាក់បើករថយន្តធុនធំក្បាលពណ៌សរមួយគ្រឿងពាក់ស្លាកលេខកំពង់ធំ3A-1093 បើកបរក្នុងល្បឿនលឿនដូចគ្នាហើយបញ្រ្ចាស់ទិសដៅទៀតនោះក៏បានរេចង្កូតមកបុកចំពីមុខពេញទំហឹងរួចកិនពីលើបណ្ដាលឲ្យជនរងគ្រោះបែកក្បាលស្លាប់នៅក្នុងថ្លុកឈាមយ៉ាងអណោចអធ័ម ហើយម្ចាស់រថយន្តបង្កបានបន្ថែមល្បឿនបើករត់ជាច្រើនរយម៉ែត្រទើបឈប់ហើយតៃកុងចុះរត់ចូលទៅក្នុងវត្តបំរ៉ុងគេចខ្លួន តែត្រូវកម្លាំងសមត្ថកិច្ចតាមឃាត់បានទាំងអ្នកបើកនឹងរថយន្តយកមកវិញតែម្ដង។
ក្រោយកើតហេតុសមត្ថកិច្ចមូលរដ្ឋានក៏បានចុះមកដល់ទីតាំងនោះភ្លាមៗរួចទាក់ទងទៅផ្នែកការិយាល័យជំនាញចរាចរណ៍ផ្លូវគោករាជធានីភ្នំពេញឲ្យចុះមកធ្វើការវាស់វែងនឹងទទួលអ្នកបើកបររួមជាមួយនឹងរថយន្តបង្កទៅរក្សាទុករងចាំដោះស្រាយគ្នាទៅតាមច្បាប់។
ចំពោះសពត្រូវបានសមត្ថកិច្ចធ្វើកំណត់ហេតុនឹងកោសល្យវិច្ច័យរួចរាល់ក៏បានប្រគល់ឲ្យទៅសាច់ញាតិនឹងក្រុមគ្រួសារយកទៅធ្វើបុណ្យតាមប្រពៃណី។
រាយការណ៍ដោយ-P.23
