មជ្ឈមណ្ឌលរញ្ជួយដីនៅអឺរ៉ុប-មេឌីទែរ៉ាណេ (EMSC) បានឱ្យដឹងកាលពីថ្ងៃទី២៦ ខែកក្កដាថា គ្រោះរញ្ជួយដីមួយកម្រិត ៥,៩រ៉ិចទ័របានកើតឡើងនៅចម្ងាយប្រមាណ ៨៨គីឡូម៉ែត្រខាងលិចទីក្រុង Luwuk នៃប្រទេសឥណ្ឌូណេស៊ី។
EMSC បាននិយាយថា ការរញ្ជួយដីនេះមានជម្រៅ ១៥គីឡូម៉ែត្រ។
ប្រទេសឥណ្ឌូណេស៊ីស្ថិតនៅលើតំបន់ «ចិញ្ចៀនភ្លើងប៉ាស៊ីហ្វិក» ជាមួយនឹងភ្នំភ្លើងសកម្មប្រមាណជិត ១៣០ ដែលច្រើនជាងប្រទេសដទៃទៀត។
កាលពីក្នុងខែមករា មនុស្សជាង ១០០នាក់បានស្លាប់ និងរាប់ពាន់នាក់ទៀតគ្មានផ្ទះសម្បែងដោយសារការរញ្ជួយដីមួយដែលមានកម្លាំង ៦,២រ៉ិចទ័រដែលបានវាយប្រហារខេត្តស៊ូឡាវេស៊ី។
ការរញ្ជួយដីដ៏ខ្លាំងមួយបានធ្វើឱ្យកក្រើកកោះ Lombok កាលពីក្នុងឆ្នាំ ២០១៨ ហើយការរញ្ជួយដីជាច្រើនទៀតបានកើតឡើងក្នុងរយៈពេល ២-៣សប្តាហ៍បន្ទាប់ ដោយបានសម្លាប់មនុស្សជាង ៥៥០នាក់នៅលើកោះដែលសម្រាកវិស្សមកាលនៅលើកោះនោះ និងនៅលើកោះជិត Sumbawa ដែលនៅក្បែរនោះ។
កាលពីចុងឆ្នាំនោះ មានការរញ្ជួយដីទៀតកម្រិត ៧,៥រ៉ិចទ័រ និងរលកយក្សស៊ូណាមិជាបន្តបន្ទាប់នៅទីក្រុង Palu នៅលើកោះស៊ូឡាវេស៊ី ដែលបានបណ្តាលឱ្យមនុស្សស្លាប់ ឬបាត់ខ្លួនជាង ៤ ៣០០នាក់៕
ប្រភព៖ក្រសួងព័ត៌មាន
