អន្តរជាតិ៖ ក្រុមមន្រ្តីជប៉ុនបាននិយាយថាការឆ្លងមេរោគកូវីដ-១៩ នៅទីក្រុងតូក្យូមានចំនួន ២,៨៤៨ នាក់កាលពីថ្ងៃអង្គារ គឺជាចំនួនខ្ពស់បំផុតរបស់ទីក្រុងម្ចាស់ផ្ទះកីឡាអូឡាំពិកចាប់តាំងពីមានការរាតត្បាតបានកើតឡើង។ នេះបើយោងតាមការចេញផ្សាយដោយសារព័ត៌មាន CNA ថ្ងៃទី២៨ ខែកក្កដានេះ។
ការកើនឡើងនៃករណីនេះបានគំរាមកំហែងដល់ការគាំទ្រលោកនាយករដ្ឋមន្ត្រី Yoshihide Suga ដែលការផ្តល់ចំណាត់ថ្នាក់របស់ខ្លួន បានធ្លាក់ដល់កម្រិតទាបបំផុត ចាប់តាំងពីលោកចូលកាន់តំណែងកាលពីខែកញ្ញាឆ្នាំមុន ដោយសារការដោះស្រាយបញ្ហាជំងឺរាតត្បាតនេះ។ ប្រការនេះក៏បានបង្កបញ្ហាដល់កីឡាអូឡាំពិកផងដែរ ដោយសារជនជាតិជប៉ុនជាច្រើនខ្លាចការហូរចូលនៃអត្តពលិក និងមន្រ្តីសម្រាប់ ព្រឹត្តិការណ៍នេះ ដែលអាចបន្ថែមការកើនឡើង។
ប្រហែល ៣១ ភាគរយនៅក្នុងការស្ទង់មតិដោយសារព័ត៌មាន Nikkei ប្រចាំថ្ងៃនៅថ្ងៃច័ន្ទបាននិយាយថា ហ្គេមគួរតែត្រូវបានលុបចោល ឬពន្យារពេលម្តងទៀត។ លោកនាយករដ្ឋមន្ត្រី Yoshihide Suga បាននិយាយទៅកាន់ប្រជាពលរដ្ឋ បន្ទាប់ពីការប្រជុំរបស់រដ្ឋមន្រ្តី ដែលត្រួតពិនិត្យការឆ្លើយតបចំពោះវីរុសថា “កុំឱ្យចេញទៅក្រៅដោយមិនចាំបាច់ ហើយលោកចង់ឱ្យគ្រប់គ្នា ទស្សនាកីឡាអូឡាំពិកនិង ប៉ារ៉ាឡាំពិកនៅលើកញ្ចក់ទូរទស្សន៍” ។ ទិន្នន័យបានបង្ហាញថាគិតត្រឹមថ្ងៃអាទិត្យកន្លងមកនេះ អ្នកជំងឺមានតែ ២០,៨ ភាគរយប៉ុណ្ណោះ ក្នុងទីក្រុងដែលមានចំនួន ១២,៦៣៥ នាក់ដែលអាចទទួលការព្យាបាលនៅមន្ទីរពេទ្យ។ ក្រុមប្រឹក្សារដ្ឋរបស់រដ្ឋាភិបាលនិយាយថា ប្រសិនបើសមាមាត្រធ្លាក់ចុះក្រោមកំរិត ២៥ ភាគរយនោះ ស្ថានភាពអាសន្នគួរតែត្រូវបានធ្វើឡើង។ ទូរទស្សន៍ TBS បាននិយាយថា ទីក្រុងនេះមានគោលបំណងបន្ថែមគ្រែមន្ទីពេទ្យចំនួន ៦,៤០៦ នៅដើមខែក្រោយដែលពេលនេះមានត្រឹមតែចំនួន ៥,៩៦៧ ប៉ុណ្ណោះ៕
ប្រភព៖ក្រសួងព័ត៌មាន
