Covid-19៖នៅទូទាំងពិភពលោកអ្នកស្លាប់មានចំនួន ៥០៤,០៧៦នាក់ ឯអ្នកឆ្លងកើនឡើងដល់ ១០,២៣៧,៩៤៥នាក់….!

384

(បរទេស)៖ គិតត្រឹមម៉ោង ៧ព្រឹកថ្ងៃចន្ទ ទី២៩ ខែមិថុនា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ១០,២៣៧,៩៤៥នាក់ហើយ។ ក្នុងនោះឯ និងជាសះស្បើយឡើងវិញ ៥,៥៤៧,៥២៧នាក់។

យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។

សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ២,៦៣៦,៩៥២នាក់ ស្លាប់ចំនួន ១២៨,៤៣៧នាក់ និងជាសះស្បើយចំនួន ១,០៩១,៣៤៧នាក់។

ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសប្រេស៊ីល។ ប្រេស៊ីលមានអ្នកឆ្លង ១,៣៤៥,២៥៤នាក់ ស្លាប់ចំនួន ៥៧,៦៥៨នាក់ និងជាសះស្បើយ ៧៣៣,៨៤៨នាក់។

ប្រទេសឈរនៅចំណាត់ថ្នាក់ទី៣ គឺប្រទេសរុស្ស៉ី។ រុស្ស៉ី មានអ្នកឆ្លង ៦៣៤,៤៣៧នាក់ ស្លាប់ ៩,០៧៣នាក់ និងជាសះស្បើយ ៣៩៩,០៨៧នាក់។