ដើម្បី​លើកស្ទួយ​វិស័យ​កសិកម្ម​ក្នុងស្រុក រដ្ឋាភិបាល​បានប្រកាស​លើកទឹកចិត្ត​ដល់​កសិករ​តាមរយៈ​ការបិទ​ការនាំ​ចូល​ផលិតផល​កសិកម្ម​មួយចំនួន ការបណ្តុះបណ្តាល​ជំនាញ​បច្ចេកទេស និង​រយៈពេល​ចុងក្រោយ​នេះ​គឺ​បញ្ចុះតម្លៃ​អគ្គិសនី​សម្រាប់​ការប្រើប្រាស់​ដើម្បី​បូ​ប​ទឹក​ដាក់​កសិផល​ជាដើម។

ក្រសួង​រ៉ែ និង​ថាមពល បាន​បញ្ជាក់ថា ក្រសួង​បានដាក់​ចេញ​ផែនការ​បន្ថយថ្លៃ​លក់​អគ្គិសនី​ឱ្យ​អ្នកប្រើប្រាស់ និង​ផែនការ​កែទម្រង់​ការបង់​ថ្លៃ​អគ្គិសនី​របស់​អ្នកប្រើប្រាស់​សម្រាប់​ឆ្នាំ 2020-2021។ ក្នុង​ផែនការ​ខាងលើនេះ អ្នកប្រើប្រាស់​អគ្គិសនី​ក្នុង​វិស័យ​កសិកម្ម​នឹង​ទទួលបាន​ការកាត់បន្ថយ​ថ្លៃ​អគ្គិសនី​សម្រាប់​បូមទឹក​ធ្វើ​កសិកម្ម​នៅ​ពេលយប់​ចាប់ពី​ម៉ោង 9យប់ ដល់​ម៉ោង 7ព្រឹក ដោយ​ក្នុង​រយៈពេល​នេះ​កសិករ​ត្រូវបាន​អនុគ្រោះ​ឱ្យ​បង់​ត្រឹមតែ 480រៀល​ប៉ុណ្ណោះ​ក្នុង​មួយ​គីឡូវ៉ាត់ម៉ោង។

តាម​ការបញ្ជាក់​របស់​ស្ថាប័ន​ជាតិ​ខាងលើ​បានឱ្យដឹងថា ក្នុង​ក្របខណ្ឌ​នៃ​ផែនការ​កាត់បន្ថយ​អគ្គិសនី អ្នកប្រើប្រាស់​អគ្គិសនី​ក្នុង​វិស័យ​កសិកម្ម សំដៅលើ​ទីតាំង​ទាំងឡាយណា​ដែល ធ្វើ​កសិកម្ម​ដាំ​ដុះ ចិញ្ចឹម និង​នេសាទ។ បន្ថែម​ពីលើ​នេះ ការធ្វើសកម្មភាព​កែច្នៃ​ផលិតផល​ចេញពី​សកម្មភាព​ខាងលើ​ដូចជា​ការបូមទឹក កា​រស​ម្ងួ​ត ការ​បង្កក និង​ការផលិត​ជី​កសិកម្ម​ទាំងឡាយ​ក៏​ទទួលបាន​ការអនុគ្រោះ​ផងដែរ។ ចំណុច​សំខាន់​មួយទៀត​ដែល​ត្រូវ​អនុគ្រោះ គឺ​ការធ្វើសកម្មភាព​កែច្នៃ​ផលិតផល​ដូចជា ម៉ាស៊ីនកិនស្រូវ រោងចក្រ​ផលិត​ជា​គ្រឿង​កំប៉ុង​លើ​ផលិតផល​កសិកម្ម និង​រោច​ក្រ​ផលិត​ចំណី​សត្វ​ជាដើម៕

LEAVE A REPLY

Please enter your comment!
Please enter your name here