(បន្ទាយមានជ័យ)៖ យ៉ាងហោចណាស់មនុស្ស ៥នាក់ បានស្លាប់បាត់បង់ជីវិត ក្នុងហេតុការណ៍បាក់ដងសន្ទូចនៅក្នុងការដ្ឋានសំណង់អគារមួយកន្លែងក្នុងក្រុងប៉ោយប៉ែត ខេត្តបន្ទាយមានជ័យ នៅវេលាម៉ោងប្រមាណ ៣រសៀលថ្ងៃទី១២ ខែសីហា ឆ្នាំ២០២០ នេះបើយោងតាមស្នងការនគរបាលខេត្តបន្ទាយមានជ័យលោក អាត់ ខែម ថ្លែងប្រាប់បណ្តាញព័ត៌មាន នៅមុននេះបន្តិច។

យោងតាមព័ត៌មានបឋមពីសមត្ថកិច្ចបានឱ្យដឹងបឋមថា ក្រៅពីអ្នកស្លាប់ ៥នាក់ហើយនោះ មានមនុស្ស២នាក់ទៀតបានរងរបួស។

បច្ចុប្បន្នក្រុមសមត្ថកិច្ច និងអាជ្ញាធរមូលដ្ឋានកំពុងប្រតិបត្តិការជួយសង្គ្រោះ។