ខេត្ត​ព្រះសីហនុ ៖ នាយ​ការិយាល័យនគរបាលចរាចរណ៍ផ្លូវទឹកខេត្តព្រះសីហនុ​ បាន​ប្រាប់ឲ្យដឹងថា​ នៅ​ព្រឹក​ថ្ងៃ​ទី​២​៣​ ខែ​សីហា​ ឆ្នាំ​២០២០​នេះ​ កម្លាំង​នគរបាល​ចរាចរណ៍​ផ្លូវ​ទឹក​ និងកម្លាំង​អធិការ​ដ្ឋាន​នគរបាល​ក្រុង​កោះ​រ៉ុង​ និងក្រុមហ៊ុន​ជីធីវីស៊ី (GTVC) ដឹក​ជញ្ជូន​ផ្លូវ​ទឹក​ របស់​លោក​ឧកញ៉ា​ ទៀ​ វិចិត្រ​ បាន​សហការ​គ្នា​​ស្វែង​រក​ជនរងគ្រោះ​ម្នាក់​ឈ្មោះ​ ឈឹម ឆេង​ ភេទប្រុស ​អាយុ ​៣​៣ឆ្នាំ​ មាន​ទីលំនៅក្នុង ​ភូមិ​៣​ សង្កាត់លេខ១ ក្រុងព្រះសីហនុ​ ដែល​បាន​ចេញ​ទៅ​នេសាទ​ហើយ​ធ្លាក់​ទឹក​បាត់​ខ្លួន​ តាំងពី​យប់​ថ្ងៃទី​២១ មក​ម្ល៉េះ​ រហូតដល់​ពេល​នេះ​ មាន​រយៈពេល​៣ថ្ងៃ​ហើយ​ ។

កម្លាំង​សមត្ថកិច្ច​លើ​ផ្ទៃ​សមុទ្រ​ និង​ក្រុម​ហ៊ុន​ជីធីវីស៊ី​ ដឹក​ជញ្ជូន​ផ្លូវ​ទឹក​ កំពុង​ល្បាត​ស្វែង​រក​ តែ​នៅ​មិន​ទាន់​បាន​រក​ឃើញ​ នៅ​ឡើយ​ទេ ៕