កណ្តាល ៖ បុរសម្នាក់ចាក់សម្លាប់នារីម្នាក់ជាច្រើនកាំបិតបណ្តាលអោយស្លាប់ភ្លាមៗ ដោយសារតែភ្លើងប្រចណ្ឌ រួចបានចូលសារភាពកំហុសរបស់ខ្លួននៅមុខសមត្ថកិច្ច ។
អំពើឃាតកម្មនេះ បានកើតឡើងកាលពីយប់រំលងអាធ្រាត្រឈានចូលថ្ងៃ ទី២ ខែតុលា ឆ្នាំ២០២០ នៅចំណុចផ្លូវលេខ១១៥កែង១១៧ ភូមិព្រែកហូរខាងកើត សង្កាត់ព្រែកហូរ ក្រុងតាខ្មៅ ខេត្តកណ្ដាល ។
លោក វរសេនីយ៍ទោ យី វណ្ណដា អធិការនគរបាលក្រុងតាខ្មៅ ថ្លែងប្រាប់ថា អំពើឃាតកម្មនេះ គឺកើតឡើងពីរឿងស្នេហាត្រីកោណ ខណៈជនល្មើសបានស្រឡាញ់គ្នាជាមួយនារីរងគ្រោះ ។ ប៉ុន្តែ នារីរងគ្រោះបែរជាមានស្នេហាមួយទៀត ទើបជនដៃដល់ប្រព្រឹត្តបទល្មើសចាក់សម្លាប់នារីរងគ្រោះ តែម្តង ។
ក្រោយពីកើតហេតុរួច ជនល្មើសបានចូលទៅសារភាពនៅអធិការដ្ឋាននគរបាលស្រុកកណ្តាលស្ទឹង តែដោយសារករណីនេះ កើតឡើងនៅក្រុងតាខ្មៅ ទើបសមត្ថកិច្ចកំពុងសាកសួរ បន្តតាមនីតិវិធី ។
ជនល្មើសមានឈ្មោះ សុខ សោភ័ណ្ឌ អាយុ៣៨ឆ្នាំ ត្រូវបានសមត្ថកិច្ចឃាត់ខ្លួននៅថ្ងៃ ទី១ ខែតុលា ឆ្នាំ២០២០ ។ ចំណែកនារីរងគ្រោះ មានឈ្មោះ កៅ ស្រីកែវ អាយុ២៦ឆ្នាំ ។
នារីរងគ្រោះ ត្រូវបានឃាតករចាក់សម្លាប់ចំនួន៣កន្លែង គឺ ចំពីមុខ១កាំបិតនិងក្រោយខ្នង២កាំបិត បណ្ដាលអោយស្លាប់ភ្លាមៗនៅនឹងកន្លែងកើតហេតុ
