កណ្តាល ៖ ជនសង្ស័យម្នាក់ក្នុងចំណោមបក្ខពួក២នាក់ ត្រូវបានកម្លាំងនគរបាលស្រុកស្អាងបង្ក្រាបឃាត់ខ្លួនពាក់ព័ន្ធករណីលួចម៉ូតូ ប្រព្រឹត្តថ្ងៃទី០៥ ខែតុលា ឆ្នាំ២០២០ វេលាម៉ោង២១ និង ៣០នាទី នៅចំណុចវត្តកេតុបុទុម្ព ហៅ(វត្តតាលន់)ស្ថិតនៅភូមិតាលន់ ឃុំតាលន់ ស្រុកស្អាងខេត្តកណ្តាល ។
ជនរងគ្រោះឈ្មោះ សូ សុខ ភេទប្រុស អាយុ ៦៥ឆ្នាំ ជនជាតិខ្មែរ មុខរបរគណៈកម្មការវត្តកេតុបុទុម្ភ(តាលន់)មានទីលំនៅចុងកោះតូច ឃុំតាលន់ ស្រុកស្អាង ខេត្តកណ្តាល ។
ជនសង្ស័យ០២នាក់ ឈ្មោះ ន សុខម៉េត ភេទប្រុស អាយុ ២១ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅភូមិត្នោតញី ឃុំខ្ពប ស្រុកស្អាង ខេត្តកណ្ដាល ឃាត់ខ្លួននៅថ្ងៃ ទី០៦ ខែតុលា ឆ្នា២០២០ និងឈ្មោះ យី បារាំង ភេទប្រុស អាយុ ២៧ឆ្នាំ ជនជាតិខ្មែរ មុខរបរមិនពិត ប្រាកដ មានទីលំនៅភូមិតាលន់ ឃុំតាលន់ ស្រុកស្អាង ខេត្តកណ្ដាល(គេចខ្លួន)។
វត្ថុតាងចាប់យក ៖ -ម៉ូតូ០១គ្រឿងម៉ាកYAMAHA (CIROS)ពណ៌ខ្មៅលាយក្រហម គ្មានស្លាកលេខ។
នៅចំពោះមុខសមត្ថកិច្ចនគរបាល ជនសង្ស័យបានសារភាពថា ខ្លួនពិតជាបានជិះម៉ូតូនេះមកជាមួយ ឈ្មោះ យី បារាំង យកមកដោះក្បាំងនិងចង្កេះអូសរ៉ឺម៉ក ចេញនៅនិងផ្ទះនេះប្រាកដមែន។
ករណីនេះ កម្លាំងជំនាញនៃអធិការដ្ឋាននគរបាលស្រុកស្អាងកសាងសំណុំ រឿងបន្តចាត់ការតាមនីតិវិធី ។ ចំណែកម៉ូតូសមត្ថកិច្ចបានប្រគល់ជូនម្ចាស់ដើមវិញ ៕
