ពោធិ៍សាត់ ៖ បុរសវ័យចំណាស់ម្នាក់លង់ទឹកស្លាប់ ខណ:ទៅមើលម៉ងរាយយកត្រី ។ ហេតុការណ៍នេះកើតឡើងកាលពីថ្ងៃ ទី៤ ខែតុលា ឆ្នាំ២០២០ វេលាម៉ោងប្រហែល៨ ព្រឹក ត្រង់ចំណុចបឹងរូងខាងកើតផ្ទះជនរងគ្រោះ ចម្ងាយ៧០ម៉ែត្រ ស្ថិតនៅភូមិសំសាន្ត ឃុំតាលោ ស្រុកតាលោសែនជ័យ ខេត្តពោធិ៍សាត់ ។
ប្រភពពីក្រុមគ្រួសារជនរងគ្រោះបានឲ្យដឹងថា មុនពេលកើតហេតុជនរងគ្រោឈ្មោះ សួន វឿន ភេទប្រុស អាយុ៦៦ឆ្នាំ មានតួនាទីជាអនុភូមិសំសាន្ត រស់នៅភូមិឃុំ កើតហេតុខាងលើ បានចេញពីផ្ទះទៅមើលមងនៅចំណុចខាងលើ ខណ:ពេលក្រុមគ្រួសារបាត់ជនរងគ្រោះយូរពេក ក៍ទៅតាមប្រទះឃើញជនរងគ្រោះ បានលង់ទឹកស្លាប់បាត់ទៅហើយ ។ ពួកគាត់ជាក្រុមគ្រួសារមិនអស់ចិត្ត ក៏បញ្ជូនជនរងគ្រោះទៅមណ្ឌលសុខភាពបន្តទៀត តែក្រុមគ្រូពេទ្យមិនអាចជួយបាន ដោយបញ្ជាក់ថា គាត់ស្លាប់តាំងពីនៅកន្លែងកើតហេតុមកម្ល៉េះ ។
បច្ចុប្បន្ន ក្រុមគ្រួសារចាត់ចែងធ្វើបុណ្យតាម ប្រពៃណីនៅលំនៅដ្ឋាននៃសព ៕
