ពោធិ៍សាត់ ៖ ក្មេងទំនើង ៤នាក់ ត្រូវបាននគរបាលរដ្ឋបាលរំលេចចាប់ឃាត់ខ្លួន ដោយករណីជនទាំងនេះ តែងតែបង្កការអុកឡុកធ្វើឲ្យបាត់សណ្តាប់ធ្នាប់ក្នុងមូលដ្ឋាន។ ការបង្ក្រាបធ្វើឡើងកាលពីថ្ងៃ ទី០៧ តុលា២០២០ វេលាម៉ោង១៤ និង ៥៥ នាទី នៅចំណុចខាងត្បូងតារាងបាល់ទាត់កូនត្នោតចំងាយ១០០ ម៉ែត្រ ស្ថិតនៅភូមិកូនត្នោត ឃុំរំលេច ស្រុកបាកាន ខេត្តពោធិ៍សាត់។
នគរបាលរដ្ឋបាលរំលេចបានឲ្យដឹងថា ក្មេងទំនើង ៤នាក់ ដែលត្រូវសមត្ថកិច្ចចាប់ ឃាត់ខ្លួនគឺ ៖
១.ឈ្មោះ ផែន ជុន ហៅខូយ ភេទប្រុសអាយុ ១៦ឆ្នាំ នៅភូមិបាក់ជញ្ជៀន ឃុំបាក់ជញ្ជៀន ស្រុកភ្នំក្រវ៉ាញ ខេត្តពោធិសាត់។
២.ឈ្មោះ រួន ប៊ុនធឿន ភេទប្រុសអាយុ១៥ឆ្នាំនៅភូមិឃុំជាមួយគ្នា។
៣.ឈ្មោះយា រត្ន័នា ភេទប្រុស អាយុ ១៦ឆ្នាំ នៅភូមិព្រៃកន្លង់ ឃុំផ្ទះរុង ស្រុកតាលោសែនជយ័ ខេត្តពោធិ៍សាត់
៤.ឈ្មោះ ណុប ចាន់រ៉ា ភេទប្រុសអាយុ ១៥ឆ្នាំ នៅភូមិឃុំជាមួយគ្នា។
ម៉ូតូ០២គ្រឿង គឺ ៖ ១. ម៉ាកវីនន័រ ពណ៍ស ស្លាកលេខគ្មាន។
២.ធុន C125ពណ៍ខ្មៅ សេរី2014 ពាក់ស្លាកលេខពោធិសាត់ 1F,0469 និងដាវសាមីរ៉ៃចំនួន ១ដើម។
ចំពោះក្មេងទំនើងទាំង ០៤នាក់ រួមទាំងវត្ថុតាង បានបញ្ជូនមកកាន់អធិការដ្ឋាននគរបាលស្រុកបាកាន ដើម្បីចាត់ការបន្តតាមនីតិវិធី៕
