កំពង់ឆ្នាំង ៖ ក្មេងស្រីម្នាក់លង់ស្រះខាងក្រោយផ្ទះបណ្តាលឲ្យស្លាប់ ខណៈឪពុកម្តាយទុកឲ្យនៅជាមួយជីដូន ។ ហេតុការណ៍នេះបង្កការភ្ញាក់ផ្អើលប្រជាពលរដ្ឋ នៅនៅថ្ងៃទី០៣ ខែតុលា ឆ្នាំ ២០២០ វេលាម៉ោង០៣ និង ៣០នាទីរសៀល ។
ជនរងគ្រោះ ឈ្មោះ ហាន បញ្ញា អាយុ៣ឆ្នាំ ឪពុក ឈ្មោះ សេង ហឿន ម្ដាយ ឈ្មោះ អៀម ផល្លា រស់នៅ ភូមិទ័ពបោះ ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង ។
សេចក្តីរាយការណ៍បានឲ្យដឹងថា មុនពេលកើតហេតុ ឪពុកម្ដាយបានទៅធ្វើការនៅរោងចក្រ ទុកកូនឱ្យយាយមើល ។ ដោយចៅនៅលេងក្រោមផ្ទះ ហើយយាយបានឡើងទៅយកអង្ករនៅលើផ្ទះមកអ៊ំ ពេលចុះមកវិញស្រាប់តែបាត់ចៅពីក្រោមផ្ទះ ហើយក៏ដើររកជុំវិញផ្ទះ ប៉ុន្តែមិនឃើញ គាត់ក៏ប្រើប្អូនថ្លៃគាត់ ឈ្មោះ យឿង ដើររក ។ ពេលនោះឈ្មោះ យឿង បានដើររកក៏ប្រទះឃើញក្មេងនោះ អណ្ដែតទឹកនៅក្នុងស្រះពីខាងក្រោយផ្ទះ ដែលមានចំងាយប្រហែល ១៥០ ម៉ែត្រពីផ្ទះ ៕
