ភ្នំពេញ​ ៖​ បុរស​៥​នាក់ ​ត្រូវ​បាន​កម្លាំង​ប៉ុស្តិ៍​នគរបាល​រដ្ឋបាល​ដង្កោ​បង្ក្រាប​ឃាត់ខ្លួន​ ខណៈ​កំពុង​ល្បាត​ការពារ​សន្តិសុខ​ សុវត្ថិភាព​ សណ្តាប់ធ្នាប់​នៅ​ក្នុង​មូលដ្ឋាន​ ហើយ​ប្រទះ​ឃើញ​ពួក​គេ​កំពុង​ធ្វើ​សកម្មភាព ​គាស់​ទម្លុះ​ឃ្លាំង​មួយ​កន្លែង​ដើម្បី​ទ្រព្យ​សម្ភារៈ​ ។​

​ករណី​នេះ​ កម្លាំង​បាន​ធ្វើ​ឡើង​នា​វេលា​ម៉ោង​០១ ​និង​ ៣០​នាទី​រំលង​អធ្រាត្រ​ ថ្ងៃ​ទី​០៩​ ខែតុលា​ ឆ្នាំ​២០២០​ ត្រង់​ចំណុច​ឃ្លាំង​គ្មាន​លេខ​ ស្ថិត​តាម​បណ្តោយ​ផ្លូវ​២១៧​ ស្ថិ​នៅ​ភូមិ​ខ្វា​ សង្កាត់​ដង្កោ​ ខណ្ឌដង្កោ​ រាជធានី​ភ្នំពេញ​ ។​

​ជនសង្ស័យ​ចំនួន​០៥​នាក់​រួម​មាន​ ៖

១-​ឈ្មោះ​ តុង​ ឡៃ​ ភេទ​ប្រុស​ អាយុ​២៩​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ស្នាក់​នៅផ្ទះ​ជួល​ភូមិ​ដំណាក់​ធំ​ សង្កាត់​ស្ទឹង​មាន​ជ័យ​៣​ ខណ្ឌមានជ័យ​ រាជធានី​ភ្នំពេញ​។​

២-​ឈ្មោះ​ ព្រុំ​ វណ្ណ​រិ​ទ្ធ​ ភេទ​ប្រុស​ អាយុ​ ១៩​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ស្នាក់​នៅផ្ទះ​ជួល​ ភូមិ​ឬ​ស្សី​ សង្កាត់​ស្ទឹង​មាន​ជ័យ​២​ ខណ្ឌមានជ័យ​ រាជធានី​ភ្នំពេញ​។​

៣-​ឈ្មោះ​ បូ​ ភា​រ៉ា​ ភេទ​ប្រុស​ អាយុ​២៤​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ស្នាក់​នៅផ្ទះ​ជួល​ ភូមិ​ឬ​ស្សី​ សង្កាត់​ស្ទឹង​ មាន​ ជ័យ​២​ ខណ្ឌមានជ័យ​ រាជធានី​ភ្នំពេញ​។​

៤-​ឈ្មោះ​ មាស​ ស្នា​ ភេទ​ប្រុស​ អាយុ​១៨​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ស្នាក់​ នៅផ្ទះ​ជួល​ ភូមិ​ឬ​ស្សី​ សង្កាត់​ស្ទឹង​មាន​ជ័យ​២​ ខណ្ឌមានជ័យ​ រាជធានី​ភ្នំពេញ​។​

៥-​ឈ្មោះ​ ផា​ន់​ សុ​ផា​ ភេទ​ប្រុស​ អាយុ​១៨​ឆ្នាំ​ ជនជាតិ​ខ្មែរ​ មុខរបរ​មិន​ពិតប្រាកដ​ ស្នាក់​នៅផ្ទះ​ជួល​ ភូមិ​ឬ​ស្សី​ សង្កាត់​ស្ទឹង​មាន​ជ័យ​ ខណ្ឌមានជ័យ​ រាជធានី​ ភ្នំពេញ​ ។​ ​ក្នុង​នោះ​ដកហូត​វត្ថុ​តាង​ដែល​ជា​ឧបករណ៍​ សម្រាប់​ប្រព្រឹត្ត​បទល្មើស​មួយ​ចំនួន​ ។​

​ពេល​ជនសង្ស័យ​ទាំង​០៥​នាក់​ខាងលើ​ កំពុង​តែ​ធ្វើ​សកម្មភាព​លោត​ផ្លោះ​របង​ចូល​ទៅ​ក្នុង​បរិវេណ​ឃ្លាំង​ ស្ថិត​នៅ​ភូមិ​ខ្វា​ សង្កាត់​ដង្កោ​ ខណ្ឌដង្កោ​ រាជធានី​ភ្នំពេញ​ រួច​ប្រើ​សោរ​ចិញ្ចៀន​គាស់​បំបែក​មេសោរ​ចាក់​ទ្វារ​ឃ្លាំង​ចូល​លួច​យក​ ទ្រព្យ​ សម្បត្តិ​ ក៏​មាន​កម្លាំង​សមត្ថកិច្ច​ប៉ុស្តិ៍​នគរបាល​រដ្ឋបាល​ដង្កោ​ ដែល​កំពុង​ជិះ​ម៉ូតូ​ល្បាត​តាម ​ផ្លូវ​២១៧​ មើលឃើញ​ជនសង្ស័យ​ទាំង​០៥​នាក់​ខាងលើ​ កំពុង​ធ្វើ​សកម្មភាព​ ក៏​បាន​ធ្វើការ​ឡោម​ព័ទ្ធ​ឃាត់ខ្លួន​ជនសង្ស័យ​ទាំង​០៥​នាក់​ខាងលើ​បាន​ រួម​និង​វត្ថុ​តាង​ជាក់ស្តែង​ ។​

​ក្រោយ​ពី​ធ្វើការ​សាកសួរ​ជនសង្ស័យ​ បាន​ឆ្លើយ​សារភាព​ប្រាប់​សមត្ថកិច្ច​យើង​ថា​ ពួក​គេ​ (​ជនសង្ស័យ​ទាំង​០៥​នាក់​)​ ពិតជា​បាន​ធ្វើ​សកម្មភាព​គាស់​បំបាក់​ដែក​រនាំងបង្អួច​ ឃ្លាំង​រោងចក្រ​ ដែល​គេ​បិទទ្វារ​ទុក​ចោល​ក្បែរ​កន្លែង​កើត​ហេ​ត​ខាងលើ​ លួច​យក​ដែក​បាន​ចំនួន​០១​ផ្ទាំង​ លើកដាក់​លើ​រ៉ឺ​ម៉ក​ រួច​បន្ត​ធ្វើ​សកម្មភាព​លោត​ផ្លោះ​របង​ចូល​ទៅ​ក្នុង​បរិវេណ​ឃ្លាំង​កើតហេតុ​ខាងលើ​ គោលបំណង​គាស់​បំបែក​កូនសោរ​ឃ្លាំង​ ចូល​លួច​យក​ទ្រព្យសម្បត្តិ​នៅ​ខាងក្នុង​ឃ្លាំង​ប្រាកដ​មែន​ ។​ កន្លង​មក​ពួក​គេ​ (​ជនសង្ស័យ​)​ បាន​ធ្វើ​សកម្មភាព​ គាស់​ផ្ទះ​លួច​យក​ទ្រព្យសម្បត្តិ​ របស់​ប្រជាពលរដ្ឋ​ក្នុង​រាជធានី​ភ្នំពេញ​ជា​ច្រើន​លើក​រួច​មក​ហើយ​ ។​

​បច្ចុប្បន្ន​ ជនសង្ស័យ​ទាំង​៥​នាក់​ខាងលើ​ ត្រូវ​បាន​កម្លាំង​កសាង​សំណុំរឿង​បញ្ជូន​មក​កាន់​អធិការដ្ឋាន​នគរបាល​ខណ្ឌដង្កោ ​ដើម្បី​អនុវត្ត​បន្ត​តាម​នីតិវិធី​ ៕