ខេត្ត​កំពង់ចាម​ ៖ ដោយបានការអនុញាតិពី​ ឯកឧត្តម​ វង្ស​ ប៊ុន​វិសុទ្ធ​ ព្រះរាជ​អាជ្ញា​អមសាលាដំបូងខេត្តកំពង់ចាម​ កម្លាំងជំនាញការិយាល័យប្រឆាំងគ្រឿងញៀនខេត្ត​ បានសហាការជាមួយជំនាញអធិការរដ្ឋាននគរបាលស្រុកស្ទឹងត្រង់​ និងប៉ុស្ត៍​នគរបាល​រដ្ឋ​បាល​ខ្ពបតាងួន បានបើកកិច្ចប្រតិបត្តិការចុះបង្ក្រាបករណីជួញដូរ​ និងប្រើប្រាស់ដោយខុសច្បាប់នូវសារធាតុញៀន​ ដោយប្រើវិធានរដ្ឋបាលចំហរឃាត់ខ្លួនជនសង្ស័យចំនួន០៧នាក់ ​(ស្រី​០១នាក់​) នៅចំណុចបឹងឈូក ស្ថិតក្នុង​ភូមិព្រែកទក់ ឃុំខ្ពប​ តាងួន  ស្រុកស្ទឹងត្រង់ ថ្ងៃទី១០ ខែតុលា​ ឆ្នាំ២០២០ វេលាម៉ោង​ ១៥ និង៤០នាទី ។

មន្ត្រីនគរបាលស្រុកស្ទឹងត្រង់ បានដឹងថា ៖ ជនសង្ស័យទាំង០៧នាក់រួមាន ៖ ១.ឈ្មោះ ញ៉ិ​ ម៉ារ៉ា​ ភេទប្រុស​ អាយុ​២៨ឆ្នំា​ សញ្ជាតិ​ខ្មែរ​ មុខរបរ​រកត្រី​ នៅ​ភូមិ​ព្រែកទក់​ ឃុំខ្ពប​តាងួន​ ស្រុកស្ទឹងត្រង់​ ខេត្តកំពង់ចាម​ ។ ២.ឈ្មោះ​ ម៉ៅ​ ប៉ៃ​ ភេទប្រុស​ អាយុ​២២ឆ្នំា​ សញ្ជាតិ​ខ្មែរ​ មុខរបរ​រកត្រី នៅ​ភូមិ​អូររុន​ ឃុំខ្ពប​តាងួន​ ស្រុកស្ទឹងត្រង់​ ខេត្ត​កំពង់ចាម​ ។ ៣.ឈ្មោះ​ ទូច​ ហ៊ុយ​ ភេទប្រុស​ អាយុ ​៤៥ឆ្នំា​ សញ្ជាតិ​ខ្មែរ​ មុខរបរ​កសិករ​​ នៅភូមិព្រែកសង្កែ ឃុំពាមកោះស្នា​ ស្រុកស្ទឹងត្រង់​ ខេត្ត​កំពង់ចាម​ ។ ៤.ឈ្មោះ​ ច្រិក​ ការិន​ (ហៅសាក់)ភេទប្រុស​ អាយុ ​២៧ឆ្នំា​ សញ្ជាតិ​ខ្មែរ​ មុខរបរ​កសិករ​ រស់នៅភូមិអូររុណ​ ឃុំខ្ពប​តាងួន​ ស្រុកស្ទឹងត្រង់​ ខេត្តកំពង់ចាម​ ។ ៥.ឈ្មោះ​ ខា​ ឆេង​ ភេទស្រី​ អាយុ​ ៣៧ឆ្នំា​ សញ្ជាតិ​ខ្មែរ​ មុខរបរ​កសិករ​ រស់នៅភូមិអូររុន​ ឃុំខ្ពប​តាងួន​ ស្រុកស្ទឹងត្រង់​ ខេត្តកំពង់ចាម​ ។ ៦.ឈ្មោះ​ ជុន​ ចាន់​ ភេទប្រុស​ អាយុ ​៣០ឆ្នំា​ សញ្ជាតិ​ខ្មែរ​ មុខរបរ​កសិករ​ រស់នៅភូមិដីលើ​ ឃុំពាមកោះស្នា​ ស្រុកស្ទឹងត្រង់​ ខេត្តកំពង់ចាម​ ។ ៧.ឈ្មោះ​ សន​ សុខចាន់​ ភេទប្រុស​ អាយុ​ ២៥ឆ្នំា​ សញ្ជាតិ​ខ្មែរ​ មុខរបរ​បើកបរឡាន​ នៅ​ភូមិ​ពាមក្នុង​ ឃុំពាមកោះស្នា​ ស្រុកស្ទឹងត្រង់​ ខេត្តកំពង់ចាម​ ។

វត្ថុតាងរួមមាន ៖ ម្សៅក្រាមពណ៍ស សង្ស័យ​ជា​ថ្នាំ​ញៀន​ចំនួន​០៧កញ្ចប់​ ទូរស័ព្ទចំនួន​០៧គ្រឿង​ ៕

បច្ចុប្បន្ន ជនសង្ស័យរួមនិងវត្ថុតាងត្រូវបានកម្លាំងជំនាញនាំមកការិយាល័យប្រឆាំងគ្រឿងញៀន ដើម្បីចងក្រងសំណុំរឿងតាមនិតិវិធី ៕