ឧត្តរមានជ័យ ៖ កម្លាំងនគរបាលអធិការដ្ឋាននគរបាលស្រុកបន្ទាយអំពិល សហការជាមួយកម្លាំងនគរបាលស្រុកក្រឡាញ់ បង្ក្រាបឃាត់ខ្លួនយុវជនម្នាក់ ពាក់ព័ន្ធលួចម៉ូតូ ។
សេចក្តីរាយការណ៍បានឲ្យដឹងថា នាវេលាម៉ោង ២០ និង ៣០នាទី ថ្ងៃ ទី១៥ ខែតុលា ឆ្នាំ២០២០ មានករណីលួចម៉ូតូ០១ គ្រឿងម៉ាកឌ្រីម ស៊េរីឆ្នាំ២០១២ ពណ៌ខ្មៅ ពាក់ស្លាកលេខ ឧ/ជ 1A-9455 លេខតួរ125 ME 8756993 លេខម៉ាស៊ីនND125ME 8756993 នៅភូមិបារាយណ៍ ឃុំអំពិល ស្រុកបន្ទាយអំពិល របស់ ឈ្មោះ យ៉ាន ចឺម ភេទ ប្រុស អាយុ ៣១ឆ្នាំ រស់នៅភូមិ-ឃុំខាងលើ ។
សមត្ថកិច្ចបានឲ្យដឹងថា បន្ទាប់ពីទទួលដំណឹងភ្លាមក្រោមការចង្អុលបង្ហាញ ដឹកនាំបញ្ជាផ្ទាល់ពីលោកឧត្តមសេនីយ៍ត្រី ហួត សុធី ស្នងការដ្ឋាននគរបាលខេត្ត បានបញ្ជាដល់កម្លាំងជំនាញ ការិយាល័យនគរបាលព្រហ្មទណ្ឌកម្រិតធ្ងន់ សហការជាមួយកម្លាំងអធិការនគរបាល ស្រុកបន្ទាយអំពិល បានសហការជាមួយកម្លាំងអធិការដ្ឋាននគរបាលស្រុកក្រឡាញ់ ខេត្តសៀមរាប ឈានទៅបង្ក្រាបឃាត់ខ្លួនជនសង្ស័យ ឈ្មោះ យ៉ុន យ៉ាត់ ហៅញឹម ភេទប្រុស អាយុ ៣១ឆ្នាំ នៅភូមិទ្រាស ឃុំសែនសុខ ស្រុកក្រឡាញ់ ខេត្តសៀមរាប និងដកហូតវត្ថុតាងម៉ូតូ០១គ្រឿង ។
បច្ចុប្បន្ន ជនសង្ស័យរួមនឹងវត្ថុតាងខាងលើ កម្លាំងបាននាំមកកាន់ស្នងការដ្ឋាននគរបាលខេត្តឧត្តរមានជ័យ ដើម្បីសាកសួរ និងកសាងសំណុំរឿងចាត់ការតាមនីតិវិធី ៕
