កណ្តាល ៖ យុវជន២នាក់ពាក់ព័ន្ធករណីរក្សាទុក ដោយខុសច្បាប់នូវសារធាតុញៀន ត្រូវបានកម្លាំងនគរបាលប៉ុស្តិ៍រដ្ឋបាលខ្ពស់ បង្ក្រាបឃាត់ខ្លួននៅចំណុចបន្ទប់ទឹកក្នុងចំការស្វាយមិនស្គាល់ម្ចាស់ ស្ថិតក្នុងភូមិត្នោតញី ឃុំខ្ពប ស្រុកស្អាង ខេត្តកណ្តាល ថ្ងៃ ទី២៣ ខែតុលា ឆ្នាំ២០២០ វេលាម៉ោង១៥ និង៥០នាទី ។
ជនសង្ស័យចំនួន០២នាក់ ឈ្មោះ សុខ ចំរើន ភេទប្រុស អាយុ ២៨ឆ្នាំ ជនជាតិ ខ្មែរ មុខរបរ មិនពិតប្រាកដ មានទីលំនៅភូមិត្នោតញី ឃុំខ្ពប ស្រុកស្អាង ខេត្តកណ្តាល (ធ្លាប់ជាប់ពន្ធនាគារខេត្តកណ្តាល ចំនួន ០១លើក ពីបទ ហិង្សាដោយចេតនា ជាប់រយៈពេល ១ឆ្នាំ កាលពីឆ្នាំ២០១៥) និង ឈ្មោះ ស៊ឹម ធូ ភេទប្រុស អាយុ ២០ឆ្នាំ ជនជាតិខ្មែរ មុខរបរ កសិករ មានទីលំនៅបច្ចុប្បន្នភូមិត្នោតញី ឃុំខ្ពប ស្រុកស្អាង ខេត្តកណ្ដាល ។
វត្ថុតាងចាប់យករួមមាន ៖ ម្សៅក្រាមពណ៌សថ្លា សង្ស័យថាជាសារធាតុញៀន (ម៉ាទឹកកក) ចំនួន ០១កញ្ចប់ និងសម្ភារៈប្រើប្រាស់ (ជក់) គ្រឿញៀនមួយចំនួន, ម៉ូតូចំនួន 01គ្រឿង ម៉ាកសង់កូរ៉េ ពណ៌ក្រហម គ្នានស្លាកលេខ។
បច្ចុប្បន្ន ជនសង្ស័យទាំងពីរនាក់ត្រូវបាន ឃាត់ខ្លួនបណ្តោះអាសន្ននៅ អធិការដ្ឋាននគរបាលស្រុកស្អាង ដើម្បីបន្ដអនុវត្ដតាមនីតិវីធី ៕
