ករណី ឃាត់ខ្លួនជនសង្ស័យម្នាក់ ដកហូតថ្នាំញៀន ៤០៥គ្រាប់ ខេត្តស្ទឹងត្រែង
ស្ទឹងត្រែង ៖ មន្ត្រីអនុវត្តច្បាប់នៃការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តស្ទឹងត្រែង បានបង្ក្រាបបទល្មើសគ្រឿងញៀន១ករណី ឃាត់ខ្លួនជនសង្ស័យម្នាក់ ដកហូតថ្នាំញៀន ៤០៥គ្រាប់ ។
ករណីនេះកម្លាំងធ្វើនៅចំណុចផ្លូវចំការម៉ៃសាក់ ស្ថិតក្នុងភូមរាជានុកូល សង្កាត់ស្ទឹងត្រែង ខេត្តស្ទឹងត្រែង នៅថ្ងៃ ទី២៦ ខែតុលា ឆ្នាំ២០២០ វេលាម៉ោង១៤និង ០០នាទី ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមានឈ្មោះ អែង គង្គារ ហៅគា ភេទប្រុស អាយុ ២៤ឆ្នាំ ជនជាតិខ្មែរ មុខរបរកម្មករ មានទីលំនៅបច្ចុប្បន្នភូមិវាលខ្សាច់ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង ។
វត្ថុតាងដែលកម្លាំងបានដកហូតនាពេលនោះមាន ៖ ថ្នាំញៀនប្រភេទមេតំហ្វេតាមីន(WY)ចំនួន ២កញ្ចប់ មាន៤០៥គ្រាប់ ទម្ងន់សរុប៤០,៧ក្រាម ។ ដោយឡែកជនសង្ស័យឈ្មោះ ម៉ាប់ ទូ ភេទប្រុស អាយុ ២៥ឆ្នាំ មុខរបរកសិករ ជនជាតិខ្មែរ មានទីលំនៅភូមិជាំធំ ឃុំកោះស្នែង ស្រុកថាឡាបរិវ៉ាត់ បើកម៉ូតូគេចខ្លួនបាត់ ។
បច្ចុប្បន្ន ជនសង្ស័យត្រូវបានកម្លាំងជំនាញ ឃាត់ខ្លួនបណ្តោះអាសន្ន ដើម្បីកសាងសំណុំរឿង បញ្ជូនទៅអយ្យការអមសាលាដំបូងខេត្តស្ទឹងត្រែង អនុវត្តបន្តតាមនីតិវិធី ៕
