ខេត្តបាត់ដំបង ៖ កម្លាំងផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលត្រែង នៃអធិការដ្ឋាននគរបាលស្រុករតនមណ្ឌល បានចុះប្រតិបត្តិការ បង្ក្រាបករណី រក្សាទុក និងប្រើប្រាស់ដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង ។
ប្រតិបត្តិការនេះ សមត្ថកិច្ចធ្វើនៅថ្ងៃអង្គារ ១១រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃ ទី១៣ ខែតុលា ឆ្នាំ២០២០ វេលាម៉ោង ១៤ និង ៥០នាទី នៅចំណុចភូមិ គីឡូ៣៨ ឃុំត្រែង ស្រុករតនមណ្ឌល ខេត្តបាត់ដំបង ។
នៅក្នុងកិច្ចប្រតិបត្តិការ សមត្ថកិច្ចយើងចាប់ឃាត់ខ្លួនជនសង្ស័យបាន ចំនួន ៣នាក់ ដូចខាងក្រោម ៖
១-ឈ្មោះ ស៊ីន ស៊ីថា ហៅ ជីហាង ភេទប្រុស អាយុ ២០ឆ្នាំ មានទីលំនៅភូមិគីឡូ៣៨ ឃុំត្រែង ស្រុករតនមណ្ឌល ខេត្តបាត់ដំបង ។
២-ឈ្មោះ ស៊ីន ភារុន ភេទប្រុស អាយុ ២៨ឆ្នាំ មានទីលំនៅ ភូមិគីឡូ៣៨ ឃុំត្រែង ស្រុករតនមណ្ឌល ខេត្តបាត់ដំបង ។
៣-ឈ្មោះ ធាន សុភា ភេទប្រុស អាយុ ២៤ឆ្នាំ មានទីលំនៅ ភូមិគីឡូ៣៨ ឃុំត្រែង ស្រុករតនមណ្ឌល ខេត្តបាត់ដំបង ។
វត្ថុតាងចាប់យកបានរួមមាន ៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០២ថង់ ទម្ងន់ ៤,៣៨ក្រាម (ទាំងសំបក) ទូរស័ព្ទដៃចំនួន ០២គ្រឿង (ចាស់) សម្ភារសម្រាប់រំលែកច្រកថ្នាំញៀនលក់ និងសម្ភារសម្រាប់ប្រើប្រាស់ថ្នាំញៀនមួយចំនួន ។
បច្ចុប្បន្ន ជនល្មើសនិងវត្ថុតាង ត្រូវបានរៀបចំសំណុំរឿង បញ្ជូនទៅតុលាការខេត្តបាត់ដំបង ចាត់ការតាមនីតិវិធី ៕
