កំពង់ឆ្នាំង៖ ស្ត្រីម្នាក់បានលង់ទឹកស្លាប់ ខណៈអុំទូកត្រឡប់មកពីមើលស្រែវិញ ហើយមានអាការៈមិនស្រួលខ្លួនក៏បានធ្លាក់ពីលើទូកចូលក្នុងទឹក ។
ហេតុការណ៍នេះ កើតឡើងនៅថ្ងៃចន្ទ០២ រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃ ទី០២ ខែវិច្ឆិកា ឆ្នាំ២០២០ វេលាម៉ោង១៤ និង ៣០នាទី នៅចំណុចបឹងកផល ភូមិវត្តថ្មី ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ។
ជនរងគ្រោះមានឈ្មោះ វ៉ែន លី អាយុ ៤៧ឆ្នាំ រស់នៅភូមិ-ឃុំកើតហេតុខាងលើ បានស្លាប់ ។
បន្ទាប់ពីសមត្ថកិច្ចជំនាញ ចុះមកធ្វើកោសល្យវិច័យលើសាកសពរួច សន្និដ្ឋានថា ជនរងគ្រោះពិតជាស្លាប់ដោយការលង់ទឹកប្រាកដមែន និងបានប្រគល់សាកសពជូនក្រុមគ្រួសារ យកទៅធ្វើបុណ្យបានប្រពៃណី ៕
