កំពង់ឆ្នាំង​ នៅ​ថ្ងៃ ​ទី​០២​ ខែតុលា​ ឆ្នាំ​២០២០​ វេលា​ម៉ោង​១៦​ និង ​៣៥​នាទី​ កម្លាំង​ការិយាល័យ​ជំនាញ​គ្រឿងញៀន​ខេត្តកំពង់ឆ្នាំង​ សហកា​ជាមួយ​កម្លាំង​ជំនាញ​នគរបាល​ស្រុក​សាមគ្គី​មាន​ជ័យ​ រួម​ជាមួយ​កម្លាំង​នគរបាល​ប៉ុស្ដិ៍​ស្វាយ​ជុក​ និង​ប៉ុស្ដិ៍​ពាម​ បាន​ធ្វើការ​បង្ក្រាប​ករណី​ប្រើប្រាស់​ និង​ជួញដូរ​សារធាតុ​ញៀន​ ០១​ករណី​ ឃាត់ខ្លួន​ជនសង្ស័យ​បាន​ចំនួន​ ០២​នាក់ ​ ។​

​ជនសង្ស័យ​មានឈ្មោះ​ ឃូ​ រ​ដ្ឋា​ ភេទ​ប្រុស​ អាយុ​ ២២​ឆ្នាំ​ រស់នៅ​ភូមិ​ក្រាំង​ដូង​ ឃុំ​ពាម​ ស្រុក​សាមគ្គី​មាន​ជ័យ​ ខេត្តកំពង់ឆ្នាំង​ ពាក់ព័ន្ធ​ករណី​ ផ្ដល់​ទីតាំង​ឲ្យ​អ្នក​ដទៃ​ប្រើប្រាស់​ថ្នាំ​ញៀន​ និង​ឈ្មោះ​ ផ​ន​ ភ័​ណ្ឌ​ ភេទ​ប្រុស​ អាយុ ​២១​ឆ្នាំ​ រស់នៅ​ភូមិ​ព្រៃ​ញៀ​ម​ ឃុំ​ស្វាយ​ ស្រុក​សាមគ្គី​មាន​ជ័យ​ ខេត្តកំពង់ឆ្នាំង​ ។​

​ដកហូត​វត្ថុ​តាង​រួម​មាន​ថ្នាំ​ញៀន​ចំនួន​ ០៥​កញ្ចប់​ ទូរស័ព្ទ​ ០១​គ្រឿង​ ពូថៅ​០១​ និង​ឧបករណ៍​សំរាប់​ជក់​មួយ​ចំនួន​ ពី​បទ​ជួញដូរ​ថ្នាំ​ញៀន​ ។​

​ករណី​នេះ​ កម្លាំង​ជំនាញ​បាន​កសាង​សំណុំរឿង​ បញ្ជូន​ដើម្បី​អនុវត្ត​បន្ត​តាម​នីតិវិធី​ ៕