កំពង់ចាម ៖ កម្លាំងជំនាញការិយាល័យប្រឆាំងគ្រឿងញៀនខេត្ត ជាមួយជំនាញអធិការស្រុកជើងព្រៃ ជំនាញស្រុកបាធាយ និងប៉ុស្តិ៍នគរបាលរដ្ឋបាល តាំងក្រាំង ដឹកនាំដោយ លោកឧត្តមសេនីយ៍ត្រី ជីវ សេងរស់ ស្នងការរងទទួលការងារប្រឆាំងគ្រឿងញៀនបានបើកកិច្ចប្រតិបត្តិការ និងបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ០១ករណី ឃាត់ខ្លួនជនសង្ស័យចំនួន០៦នាក់ (ស្រី០១ម្នាក់) ។
ក្នុងប្រតិបត្តិការនៅថ្ងៃ ទី០២ ខែវិច្ឆិកា ឆ្នាំ២០២០ កម្លាំងបានដកហូតវត្ថុតាងរួមមាន: ម្សៅក្រាមពណ៌សសង្ស័យជាថ្នាំញៀនចំនួន ០១កញ្ចប់ និងទូរស័ព្ទដៃចំនួន ០៦គ្រឿង ជញ្ជីងអេឡិចត្រូនិក ចំនួន ០១គ្រឿង និងថង់វេចខ្ចប់មួយចំនួន ។
ករណីនេះ កម្លាំងជំនាញកសាងសំណុំរឿង បញ្ជូនទៅសាលាដំបូងខេត្ត ដើម្បីអនុវត្តបន្តតាមនីតិវិធី ៕
