កំពង់ឆ្នាំង យ៉ាង​ហោច​ណាស់​មនុស្ស​៥​នាក់​ បាន​រង​របួសធ្ងន់​ស្រាល​ ដោយសារ​បុរស​ម្នាក់​ បាន​យក​ប្រេង​ចាក់​ដុត​សម្លាប់​ស្រមោល​ បណ្តាល​ឲ្យ​ឆាបឆេះ​ដល់​កំណាត់​ ភ្លាមៗ​នោះ​ក៏​បាន​គ្រវែង​ខ្ទាត​ទៅ​ប៉ះ​លើ​ជន​រង​គ្រោះ ​ដែល​កំពុង​ដើរ​នៅ​ក្បែរ​នោះ​តែ​ម្តង​ ។​

​ហេតុការណ៍​នេះ ​កើតឡើង​នៅ​ព្រឹក​ថ្ងៃ​ ទី​០២​ ខែវិច្ឆិកា​ ឆ្នាំ​២០២០​ វេលា​ម៉ោង​០៧​ និង​២០​នាទី​ នៅ​ភូមិ​កោះធំ​ ឃុំ​ព្រៃ​គ្រី​ ស្រុក​ជល​គិរី​ ខេត្តកំពង់ឆ្នាំង​ ។​

​ករណី​ភ្លើង​នេះ​ មិន​បណ្តាល​ឆាបឆេះ​បំផ្លាញ​ខូចខាត​ទ្រព្យសម្បត្តិ​អ្វី​ទេ​ ។​ បន្ទាប់ពីកើតហេតុភ្លាមៗ​ ជនរ​រង​គ្រោះ​ទាំង​៥​នាក់​ ត្រូវ​បាន​យក​ទៅ​សម្រាក​ព្យាបាល​នៅ​មណ្ឌល​សុខភាព​ព្រៃ​គ្រី​ ៕