ក្រចេះ ៖ នៅថ្ងៃពុធ ទី០៤ ខែ វិច្ឆិកា ឆ្នាំ២០២០ វេលាម៉ោងប្រហែល១៨ និង៤០នាទី មានករណីអគ្គីភ័យឆាបឆេះតូបលក់អីវ៉ាន់មួយកន្លែង នៅត្រង់ចំណុច ភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ ដោយសារទុស្សេខ្សែភ្លើង ។
ម្ចាស់ផ្ទះឈ្មោះ ឪម កុយ ភេទប្រុស អាយុ ៦០ឆ្នាំ មានទីលំនៅ ភូមិឃុំ ស្រុកខាងលើ ។ សម្ភារ:ខូចខាតដូចមាន ៖ តូបទំហំ ៥.៥គុណ ៩ម៉ែត្រ ឆេះអស់ទាំងស្រុង , ទូទឹកកក ១គ្រឿង និងអីវ៉ាន់ចាប់ហួយមួយចំនួន ។ សរុបការខូចខាត គិតជាទឹកប្រាក់ ចំនួន ១៥០០០ដុល្លារ ។
ករណីនេះ កម្លាំងជំនាញសណ្តាប់ធ្នាប់នៃអធិការដ្ឋាននគរបាលស្រុកឆ្លូង បានសហការជាមួយប៉ុស្តិ៍នគរបាលរដ្ឋបាលឆ្លូង និងប្រជាការពារ និងកងរាជអាវុធហត្ថស្រុក ចុះជួយពន្លត់អគ្គីភ័យដល់កន្លែងកើតហេតុ និងបានប្រើប្រាស់រថយន្តពន្លត់អគ្គិភ័យចំនួន ២គ្រឿង ទើបអាចពន្លត់ភ្លើងបានទាំងស្រុង ពុំបណ្តាលឲ្យឆេះរាលដាលដល់ផ្ទះអ្នកជិតខាង និងគ្រោះថ្នាក់ដល់មនុស្សឡើយ ៕
