(ភ្នំពេញ) ៖ សមត្ថកិច្ចនគរបាលខណ្ឌច្បារអំពៅ បង្ក្រាបឃាត់ខ្លួនជនសង្ស័យចំនួន២នាក់ ពាក់ព័ន្ធករណី រក្សាទុក និងប្រើប្រាស់ដោយខុសច្បាប់នូវសារធាតុញៀន ២ករណីផ្សេងគ្នា ។
-ករណីទី១ ៖ នៅវេលាម៉ោង០១ និង៣០នាទីព្រឹក ថ្ងៃទី០៥ ខែវិច្ឆិកា ឆ្នាំ២០២០ សមត្ថកិច្ចនគរបាលប៉ុស្តិ៍និរោធ បានឃាត់ខ្លួនជនសង្ស័យ ០១នាក់ នៅចំណុចមុខផ្ទះគ្មានលេខ ភូមិតាងៅ សង្កាត់និរោធ ពាក់ព័ន្ធករណី ប្រើប្រាស់ដោយខុសច្បាប់នូវសារធាតុញៀន។
ជនសង្ស័យឈ្មោះ អ៊ិន រតនា ភេទប្រុស អាយុ ២៦ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅភូមិតាងៅ សង្កាត់និរោធ ។ លទ្ធផលធ្វើតេស្តទឹកនោមបង្ហាញថាវិជ្ជមាន (មានផ្ទុកសារធាតុញៀន)។
-ករណីទី២ ៖ នៅថ្ងៃ ទី០៤ ខែវិច្ឆិកា ឆ្នាំ២០២០ វេលាម៉ោង២៣ និង៥០នាទី កម្លាំង ប៉ុស្តិ៍នគរបាលរដ្ឋបាលវាលស្បូវ បានឃាត់ខ្លួនជនសង្ស័យ ០១នាក់ នៅចំណុចមុខផ្ទះគ្មានលេខ ភូមិវាលស្បូវ សង្កាត់វាលស្បូវ ខណ្ឌច្បារអំពៅ ពាក់ព័ន្ធករណី រក្សាទុកដោយខុសច្បាប់នូវសារធាតុញៀន។
ជនសង្ស័យឈ្មោះ ឃី ពៅ ភេទប្រុស អាយុ ៣៣ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅភូមិវាលស្បូវ សង្កាត់វាលស្បូវ ខណ្ឌច្បារអំពៅ ។
វត្ថុតាងដកហូត ៖ -ម្សៅក្រាមពណ៌សថ្លា (សង្ស័យគ្រឿងញៀន) ០១កញ្ចប់ និងម៉ូតូ ០១គ្រឿងម៉ាក Suzuki Nex ពណ៌ស ស្លាកលេខ ភ្នំពេញ 1DG-5514។
បច្ចុប្បន្ន ជនសង្ស័យទាំង២នាក់ខាងលើ កម្លាំងជំនាញបានកសាងសំណុំរឿងបញ្ជូនអនុវត្តបន្តតាមនីតិវិធី ៕
