(កំពង់ស្ពឺ)÷ ព្រឹកថ្ងៃទី១១ ខែវិច្ឆិកា ឆ្នាំ២០២០ ប្រជាពលរដ្ឋ ភូមិដូនអាត់ ឃុំស្គុះ ស្រុកសំរោងទង ខេត្តកំពង់ស្ពឺ ទាំង១៣៧គ្រួសារ បានស្នើសុំតុលាកាខេត្តមេត្តាពន្ឋលឿន ដោះស្រាយរឿងដីធ្លី។
បើតាមសម្តីតំណាងប្រជាពលរដ្ឋ ទាំង១៣៧គ្រួសារមានឈ្មោះ ជា សារឿន ភេទប្រុស អាយុ ៥០ឆ្នាំ រស់នៅភូមិដូនអាត់ ឃុំស្គុះ ស្រុកសំរោង បានឲ្យដឹងថាដីរួមភូមិរបស់ពួកគាត់មានទំហំ៥៤ហិតា។
ត្រូវបានឈ្មោះ អំ ចេវ ភេទប្រុស អាយុ ៦៧ឆ្នាំ ជាមេភូមិដូនអាត់ឈ្មោះ ញ៊ឹប ញឿន ភេទប្រុស អាយុ ៥៥ឆ្នាំ ជាអនុភូមិនិងឈ្មោះ លាស់ គីញ ភេទប្រុសអាយុ ៦៧ឆ្នាំ ជាអតីតមេភូមិដូនអាត់ បាននាំគ្នាយកដីរួមភូមិលក់ឲ្យទៅឈ្មោះ ប៉ាក់ ចាន់ផល ភេទប្រុស អាយុ ៥០ឆ្នាំ មានទីលំនៅក្នុងភូមិមានជ័យ សង្កាត់ស្ទឹងមានជ័យ ខ័ណ្ឌមានជ័យ រាជធានីភ្នំពេញ។
គាត់បានបន្តថា សូមឲ្យតុលាការខេត្តកំពង់ស្ពឺ ទាមទារឲ្យឈ្មោះ អំ ចេវ ឈ្មោះ ញឹប ញឿន ឈ្មោះ លាស់ គីញ និងឈ្មោះ ប៉ាក់ ចាន់ផល ឲ្យចូលខ្លួនដោះពាក់ព័ន្ឋនិងដី រួមភូមិទំហំជាង ៥៤ហិកតា ដែលស្ថិតក្នុង ភូមិដូនអាត់ ឃុំស្គុះ ស្រុកសំរោងទង បានសមគំនិតកុហក់ប្រជាពលរដ្ឋ លក់ទិញដីរួមភូមិរបស់ពួកគាត់ មួយហិកតា ២០០ដុល្លា កាលពីអំឡុងឆ្នាំ២០០៨ ហើយពួកគាត់មិនបានដឹងនោះទេ។
ពួកគាត់សូមសំណូមពរទៅ លោកស្រី ព្រះរាជ្ញា ខេត្តកំពង់ស្ពឺ ជួយពន្ឋលឿននិងរងដំណោះស្រាយឲ្យពួកគាត់ផង។ ក្រោមការលើកឡើង និងសំណូមពររបស់ប្រជាពលរដ្ឋទាំង ១៣៧គ្រួសារ រឿងដីរួមភូមិដែត្រូវបានលោកមេភូមិ។
អ្នកយកព័ត៌មានខេត្តកំពង់ស្ពឺ មិនអាចសុំការបកស្រាយពីលោក អំ ចេវ បានទេដោយសារគាត់មានជំងឺជាទំងន់ ចំណែកលោក ញឹប ញឿន ជាអនុភូមិនោះទំនាក់ទំនងជាមួយគាត់ តាមទូរស័ព្ទលោកថាជាប់រវល់។ លោក លាស់ គីញ អតីតមេភូមិចាស់មិនមានលេខទូរស័ព្ទ ដើម្បីទំនាក់ទំនងនោះទេ៕
